Die skrywers wys jou hoe om jou huis met oorspronklike en stylvolle bykomstighede mooi te maak.

Hulle deel hier met jou hulle hope ervaring met deeglik getoetste tegnieke. Die idees wat hulle bespreek dek verskeie ontwerpstyle sodat dit by jou bestaande dekor sal pas, van rustieke blomme tot minimalistiese wit, of ryk barok-kleure en -teksture.

Lieflike kleurfoto’s van elke voltooide artikel word vergesel van praktiese raad oor die keuse van materiaal en afwerkings, asook wenke om enige slaggate en probleme te vermy, en verdere dekorvoorstelle. Die projekte is treffend, dog maklik om aan te pak en sluit ’n groot verskeidenheid artikels in, van kerse wat binne vyf minute versier kan word tot ’n omgetowerde werkbank vir jou studeerkamer. Tegnieke wat gebruik word wissel van vinnige servet-découpage tot piouter- en mosaïekwerk, alles kristalhelder verduidelik met voorgestelde alternatiewe. Hierdie boek is propvol idees en inspirasie en sal jou help om styl en karakter tot jou huis toe te voeg sonder dat jy ’n bank hoef te beroof!