×
50 Syserpe: ’n Spinnerak op sy
Hierdie projek is baie maklik en dit gee altyd wonderlike resultate, mits jy die rekkies styf genoeg om die lap draai. Hierdie onfeilbare patroon is ’n baie goeie wegspringplek vir senuagtige beginners en my studente is altyd verstom oor hoe mooi die eindproduk is.
×
50 Syserpe: ’n Storm op sy
Ek het crêpe-de-chine vir hierdie projek gebruik. Hierdie lap hang so mooi dat ek ook ’n groter item gemaak het wat op kreatiewe maniere oor die eerste een gedrapeer en vasgespeld kan word. Dit is die maklikste manier om ’n rand op enige stuk lap te skep. Vanweë die vlootblou kleur is dit veelsydig en kan jy dit saam met jou werkspakkies Óf vir ontspanning by jou jeans dra.
- 50 Syserpe: ’n Storm op sy
- R 15.00
×
50 Syserpe: Aandblom
Swart en silwer is klassieke kleure vir aandbykomstighede. Hierdie vierkantige serp in blink, swaar sy sal die koue uithou en jou baie elegant laat lyk.
- 50 Syserpe: Aandblom
- R 15.00
×
50 Syserpe: Afrika-metale
Hierdie projek beeld die sjarme uit wat met kleurlae geskep kan word. Die patroon word na willekeur oor die lap aangebring sonder enige voorskrifte. Beweeg en skuif die patroon terwyl jy daarmee werk. Dit is ’n wonderlike projek vir iemand wat sukkel om afdrukke in reguit rye te maak omdat jy dit op enige plek en op enige manier kan doen en steeds ’n pragtige serp sal skep.
- 50 Syserpe: Afrika-metale
- R 15.00
×
50 Syserpe: Asteekse silwer
Jy kan hierdie pragtige serp in minder as ’n uur maak voor jy uitgaan. Ek is dol oor die onmiddellikheid van hierdie tegnieke.
- 50 Syserpe: Asteekse silwer
- R 15.00
×
50 Syserpe: Atari
Ek het dié klein stempel uitgesny om by die Afrika stempels te pas. Die vorm het my nog altyd laat dink aan die slagskepe in party van die rekenaarspeletjies waarmee ek as kind gespeel het.
Wit ink lyk goed op byna enige agtergrondkleur – kies dit wanneer jy nie seker is watter kleur om te gebruik nie. Jy kan altyd daarop staatmaak as jou idees opdroog, maar goud en swart is ook fantastiese staatmakers as jy oor kleure twyfel.
Hierdie projek is ’n goeie wegspringplek vir beginners wat in een projek met maklike kleur- en drukwerk wil eksperimenteer.
- 50 Syserpe: Atari
- R 15.00
×
50 Syserpe: Bloudruk vir die liefde
Hierdie damassy het ’n paisley-weefpatroon. Die hartvorm in die paisley word met die stempel herhaal. Om hierdie delikate detail uit te lig, het ek spasies tussen die stempels gelos sodat mens die pragtige damaspatroon wat die stempel se patroon so mooi komplementeer, kan sien.
×
50 Syserpe: Deftige Delft
As jy die kleure van die vorige projek omkeer, kan jy met dieselfde stempel ’n voorkoms skep wat heeltemal anders is.
- 50 Syserpe: Deftige Delft
- R 15.00
×
50 Syserpe: Diamante – ’n vrou se gunsteling!
Hoewel baie mense dol is oor spiraalvormige knoop-kleurwerk, bly my gunstelingpatroon die diamant. Ek speel graag rond met die plasing en kleure van hierdie eenvoudige patroon.
×
50 Syserpe: Diamante by die werk
Op hierdie groot stuk crêpe-de-chine kon ek met die plasing van die vorms rondspeel terwyl ek ’n sarong vir die strand gemaak het.
×
50 Syserpe: Die sebra
Vir my was die sebra nog altyd ’n wonderlike simbool van Afrika en daarom het ek hierdie patroon geskep wat net soos sebrastrepe lyk. Die serp sal by enige eenvoudige swart uitrusting pas en jy kan dit met etniese bykomstighede soos groot, bonkige juweliersware opkikker. Ek is dol oor die manier wat hierdie ru-syserp hang.
- 50 Syserpe: Die sebra
- R 15.00
×
50 Syserpe: Dis heerlike lente!
As kind was daar ’n enorme eikeboom buite my kamervenster. Die groen in hierdie serp herinner my aan die kleur van die boom se eerste lenteblare.
×
50 Syserpe: Doopkleur-afdrukke
Visuele effekte wat met kleursel geskep is, kan soms met afdrukke nageboots word. Doopkleur beteken dat een kleur tot in die volgende kleur loop. Deur chaotiese afdrukke in verskillende kleure en in lae aan te bring, kan jy ’n visuele effek skep wat baie soos doopkleur lyk.
×
50 Syserpe: Doopkleurwerk (of Ombré)
Hoewel doopkleurwerk soms as ’n vorm van knoopkleurwerk gesien word, beskou ek dit meer as ’n egalige kleur wat jy op ’n baie beheerste manier oor die lap laat vloei. Die rede hiervoor is dat mens geen rekkies of tou gebruik om die lap mee te bind nie. Dié tegniek verg goeie konsentrasie om die kleur glad en sonder spatsels te kry.
Hierdie kleurwerk is baie gewild in die modestede van die wêreld. As jy die moed het om hierdie tegniek te beproef, sal jy beloon word met ’n modieuse bykomstigheid.
Ek het damassy met ’n geweefde paisley-patroon gebruik vir subtiele detail by die eenvoudige afwerking. Ek het direk op die roomwit agtergrondlap gewerk om die donkerbruin kleursel mooi te komplementeer.
×
50 Syserpe: Eenvoudig sjiek
Hierdie serp is ’n klassieke voorbeeld van “minder is meer”. Ek sê altyd vir my studente dat hulle hul werk eenvoudig moet hou. Eendag het een van hulle vir my gewys hoe eenvoudig iets eintlik kan wees met hierdie maklike fokuspunt aan elke punt van die serp.
- 50 Syserpe: Eenvoudig sjiek
- R 15.00
×
50 Syserpe: Eenvoudige rand
Ons gaan ’n rand langs albei kort sye van ’n serp maak vir hierdie projek. Dit beteken dat die proses hieronder aan albei punte van die serp aangewend moet word. Aangesien ons swierige damassy vir hierdie projek gebruik het, is ’n eenvoudige rand al wat jy nodig het om dit te versier. Die eenvoudige drukwerk daarop kontrasteer skerp met die ingewikkelde wewing van die lap. Ek hou daarvan om sulke teenstrydighede in my ontwerpe teen mekaar af te speel.
- 50 Syserpe: Eenvoudige rand
- R 15.00
×
50 Syserpe: Geometriese vlootvoorkoms
As jy verskillende kleure gebruik, kan jy soortgelyke konsepte totaal anders laat lyk. Hierdie serp het ’n vlootvoorkoms danksy die wit, rooi en blou kleure. Detail word met ’n uitgesnyde vorm oor die blokkiespatroon van die basislaag aangewend. Let daarop dat die patroon vir die uitgesnyde stempel deel van die groter stempel se motief is sodat die twee stukke altyd saam as ’n bypassende paar gebruik kan word.
×
50 Syserpe: Geskulpte rande
Die delikate kantvoorkoms van die blomstempel kan met groot trefkrag langs die rand van ’n serp gebruik word. Ons het die ru-sy met ’n kartelskêr geknip om die delikate gevoel en voorkoms te versterk.
- 50 Syserpe: Geskulpte rande
- R 15.00
×
50 Syserpe: Gestring
Afdrukke wat al langs die middel van die serp af gemaak is, lyk pragtig, veral as tafellopers. As jy ’n veeldoelige lap wil hê wat jy kan dra en in jou huis kan gebruik, is ’n patroon teen die middel van die lap af net wat jy soek.
- 50 Syserpe: Gestring
- R 15.00
×
50 Syserpe: Goue gedenkpennings
Hierdie treffende projek het ’n Indiese gevoel. Dit sal ook baie swierig op ’n rooi of turkoois basislap lyk. Speel gerus met dieselfde kleur verf op verskillende kleure lap om te sien hoe dit die voorkoms verander.
×
50 Syserpe: Helderpienk frommels
Dieselfde patroon in ’n sterk kleur is baie treffend, maar nie té besig nie. Hierdie tekstuur werk goed vir lap wat vir kwiltwerk- en veselkunsprojekte gebruik word. Ek het ru-sy met ’n digte wewing gebruik omdat dit duidelike kraakmerke maak as jy hierdie bindtegniek gebruik.
×
50 Syserpe: Helderpienk mosaïek
Hoewel ons die lap net soos in die vorige projek vou, is die chiffonsy wat ons nou gebruik struktureel nog onstabieler as die sy wat ons laas gebruik het. Die geruite effek verander dus in ’n meer organiese mosaïekpatroon.
×
50 Syserpe: Jellieboontjies (vir Clara)
Toe ons hierdie serp gemaak het, het my wonderlike leerling, Clara Jansen, opgemerk dat dit haar aan jellieboontjies laat dink. Ek dra dus hierdie projek aan Clara op en vernoem dit, ter ere van haar bydra tot hierdie boek, na haar.
×
50 Syserpe: Karibiese koelte
Hierdie frommelpatroon kan radikaal verander word deur drie kleure in plaas van net een te gebruik. Vir dié projek het ek op getekstureerde damassy gewerk om diepte aan die voltooide item te verleen.
Blink versierings pas pragtig by die patroon op die glansende sy. Plak of stik ’n paar blink, blou blinkertjies daarop en verander hierdie serp in ’n swierige kledingstuk wat jy na enige funksie toe kan dra.
- 50 Syserpe: Karibiese koelte
- R 15.00
