×
Mal oor metaal: 3 in 1 tik-tak-tol-speletjie
Ek wou 'n speelse, maar nuttige en unieke geskenk ontwerp. Die X- en O-vierkante is eintlik 'n stel drupmatjies ... dit is dus 'n speletjie, dien as drupmatjies en is terselfdertyd ook 'n klein skinkbordjie!
×
Mal oor metaal: Afrika-kleipotte en rose
As jy elemente meng wat nie gewoonlik saam in 'n ontwerp gebruik word nie, soos die Afrika-kleipotte en rose in hierdie projek, lyk dit dikwels baie treffend.
×
Mal oor metaal: Antieke drupmatjiestel
Die stensil wat ek gebruik het om die tekstuur vir hierdie projek te skep is baie fyn en dun en is ontwerp om kaartjies vir fotoplakwerk te maak. Ek het dit spesiaal gekies omdat ek nie hoëreliëf wou hê nie omdat die uitgesnyde middelste dele van die drupmatjies met polimeershars gevul is. Dit skep 'n pragtige, duursame afwerking.
×
Mal oor metaal: Antieke spieëlraam
Dis maklik om silwer handwerkmetaal 'n antieke voorkoms te gee deur donkerbruin of swart akrielverf te gebruik. Jy kan besluit hoe verouderd jou item moet lyk deur kleur by te voeg of te verwyder. Vir hierdie projek het ek 'n houtraam gebruik wat dringend opgekikker moes word.
×
Mal oor metaal: As die skoen pas
Hierdie projek was die heel eerste een waarin ek gekleurde handwerkmateriaal gebruik het en dit was lank voor die dae van alkohol-ink, patinas en ander kleurmiddels. Dit bewys dat 'n eenvoudige ontwerp en die kleurkontras van die metaal enigiets in 'n tydlose skat kan omskep.
×
Mal oor metaal: Bottels
Die inspirasie vir hierdie projekte was om glasbottels wat weggegooi is in kunstige, nuttige en dekoratiewe items te omskep. Laat jou verbeelding die werk vir jou doen! Soek na kreatiewe maniere om bottels weer te gebruik.
- Mal oor metaal: Bottels
- R 15.00
×
Mal oor metaal: Doilie-projek
Hierdie projek is geïnspireer deur my Ouma se doilie-versameling. Destyds was dit waarskynlik van die heel gewildste bykomstighede vir die kombuis. Nou sien 'n mens dit skielik weer orals. Ek het myne van handwerkmetaal gemaak. Skep net een bord as 'n vertoonstuk of maak 'n stel van vier of ses verskillende doilie-dienborde.
×
Mal oor metaal: Fly Mango
Hierdie vliegtuie is geïnspireer deur daardie klein houtmodel-vliegtuigies wat jare gelede beskikbaar was. Vergroot die patrone op 'n fotostaatmasjien tot die grootte wat jy verlang. Onthou dat al die stukke in jou bosseleervouers moet pas en deur jou bosseleermasjien gevoer moet word, tensy jy dit met die hand wil bosseleer.
- Mal oor metaal: Fly Mango
- R 15.00
×
Mal oor metaal: Geloof
Die kruis vir hierdie projek is 17cm breed, 26cm hoog en 3cm dik. Die oortrektegniek is gebruik om dit met gebosseleerde metaal oor te trek. Jy sal dalk 'n dunner, kleiner of groter kruis vir jou eie projek wil gebruik.
- Mal oor metaal: Geloof
- R 15.00
×
Mal oor metaal: Geloof, hoop en liefde
Dit is baie maklik en groot pret om metaal met ponse uit te sny en 'n projek se ontwerp duidelik te laat uitstaan.
×
Mal oor metaal: Gevleuelde paspop
Hierdie stuk is geïnspireer deur die verskillende kleure van die lappe wat saam in 'n kwilt gebruik is. Ek het twee bosseleervouers en verskeie lae glasuur gebruik om dit te bereik. As jy met stukke metaal werk wat te groot is om in jou masjien te pas (soos in hierdie geval), moet al die bosselering met die hand gedoen word.
×
Mal oor metaal: Hart-deurstuiter
Tekstuurplate kan na willekeur gemeng word. Dit hoef nie as 'n geheel gebruik te word nie. Individuele woorde en patrone kan van die tekstuurplate af gebosseleer word. Hierdie projek verduidelik hoe om dit te doen.
×
Mal oor metaal: Hasiefotopennetjies
Deesdae stoor ons die meeste van ons foto's op ons fone of rekenaars. Ons hoop dat hierdie projek jou sal inspireer om 'n paar van jou gunstelingfoto's te druk en met gebruik van die hasies uit te stal. Die foto's word met pennetjies aan die hasies geheg - as jy dus moeg raak van jou huidige foto's, is dit baie maklik om dit met nuwes te vervang!
×
Mal oor metaal: Houer met voëlontwerp
In hierdie projek gebruik jy 'n bosseleervouer en bosseleer die metaal met die masjien en kombineer dit daarna met handbosselering waarvoor jy 'n uitgesnyde karton-ontwerp gebruik. Dit is 'n maklike, eenvoudige tegniek waarmee jy 'n treffende resultaat skep.
×
Mal oor metaal: Inspirasie om te droom
Ek het dadelik verlief geraak op die eenvoud van die tekstuurplaat wat ek vir hierdie projek gebruik het. Ek het besluit om 'n rustieke stuk te maak met die goudbrons metaal en 'n tikkie vroulikheid by te voeg met die kant en rose. Aangesien al die bosselering met die hand gedoen word, het jy nie 'n bosseleermasjien nodig nie.
×
Mal oor metaal: Joernaalomslag
In hierdie projek sal jy verskeie teksture kombineer en verskillende kleure metaal gebruik om 'n fantastiese eindresultaat te skep.
×
Mal oor metaal: Kersomhulsels
Ek is mal oor kerse en dink niemand kan ooit genoeg kerse hê nie. Dit skep 'n snoesige gevoel in jou huis en is ideale geskenke. Hier volg 'n paar idees om dit nog mooier te laat lyk deur unieke, herbruikbare metaal-omhulsels te maak.
×
Mal oor metaal: Liewensheersbesies
Hierdie prettige en vinnige projek is maklik om te maak. Kies 'n magneet of wasgoedpennetjie vir die rugkant en maak die besies so groot of klein as wat jy wil. Die besies is baie nuttig vir boodskappe, inkopielyste of selfs foto's. Die patrone vir die vorm van die lyf en twee pare vlerke is ingesluit.
×
Mal oor metaal: Lyfroomhouers
Hierdie houers is ware wenners! Omskep 'n eenvoudige houer lyfroom in 'n spesiale geskenk deur dit met 'n naam of 'n mooi ontwerp in handwerkmetaal te verpersoonlik.
×
Mal oor metaal: Metaal vierkante
Hierdie prettige projek is taamlik vinnig en baie maklik om te maak. Jy kan enige grootte houtblok vir die oppervlak op die agtergrond gebruik en soveel vierkante as wat jy wil. Dit sal afhang van die effek wat jy wil skep en die ruimte wat jy wil vul.
×
Mal oor metaal: Metaaldieretuin
Ek hou regtig baie van die voorkoms van gepoleerde silwer metaal. Vir hierdie projek wou ek 'n effek skep wat die diere soos metaalvoorwerpe laat lyk. Jy kan enige Supawood-ontwerpe gberuik wat met 'n laser uitgesny is mits dit nie te moeilik sal wees om die metaal om die rande te vou nie.
×
Mal oor metaal: Metaalvlaggies
Elke partytjie kort vlaggies! Hierdie vlaggies voeg 'n speelse en interessante element by spesiale geleenthede. Aangesien dit ook lig is, is dit maklik om dit op te hang en te berg todat jy dit nodig kry.
×
Mal oor metaal: Mosaïek-bokkop
Vir hierdie projek het ek die stuk-vir-stuk tegniek gebruik. Die natuurlike gekleurde metale was baie geskik vir hierdie ontwerp.
×
Mal oor metaal: My hart in ‘n skinkbord
Vir hierdie projek is die metaal gekleur voordat enige bosselering gedoen is (gewoonlik word die metaal na bosselering gekleur).
