×
Plak dit: ’n Blikkie vir notas
Blikkies is baie veelsydige geskenke – hulle kan op verskillende maniere versier en gebruik word. Hoewel sulke onversierde blikke maklik te kry is, kan jy ook ou blikke hergebruik en hulle ’n nuwe gedaante gee deur mooi papier en versierings met fotoplakwerktegnieke aan te bring. Almal maak lysies en notas van dinge om te doen en dit kan baie lastig wees as hulle wegraak. Ek het besluit om my notas en ’n pen in ’n fotoplakwerkblik te bêre.
×
Plak dit: Aandenkingkissie vir ’n baba
Dit is altyd ’n plesier om fotoplakwerkvoorwerpe vir babas te maak. Terwyl ek daaraan werk, dink ek aan nuwe lewe, nuwe moontlikhede en gelukkige herinneringe. Hierdie kissie is bedoel as bêreplek vir die nuwe baba se aandenkings – enige kleinighede wat hierdie spesiale tyd sal herroep.
×
Plak dit: Baba-album van akriel
Akriel is ’n wonderlike medium vir fotoplakwerk omdat dit deursigtig is en dus buitengewone effekte en interessante afwerkings moontlik maak. Die deursigtigheid hou ook spesiale uitdagings in en jy moet onthou dat albei kante van enigiets wat jy gebruik altyd sigbaar sal wees.
×
Plak dit: Bakplaatreseptehouer
Ek is versot op bakwerk; dit is ’n leefwyse en hou my ure lank in die kombuis besig. My ander passie is fotoplakwerk en daarom was dit doodnatuurlik om ’n ou bakplaat met fotoplakwerktegnieke in ’n reseptehouer te verander. Hierdie pragstuk hang in my kombuis, maar dit sal ook ’n gewaardeerde geskenk wees.
×
Plak dit: Belangrike sleutels
Die belangrikste sleutels in enige vrou se lewe moet die sleutel na haar hart en die sleutel na haar huis wees. Ek het hierdie nostalgiese raam met daardie idee in gedagte beplan. Ek het woordsleutels uit Tim Holtz se ideaology reeks gebruik, maar jy kan netsowel werklike sleutels gebruik en die dekoratiewe raam ’n dubbele doel as werklike sleutelhouer laat dien.
×
Plak dit: Blikkie-album
Jy kan blikkies van enige vorm of grootte in pragtige geskenke verander. Hierdie versierde blikkie is vir ’n vriendin wat dit kan gebruik vir vrolike, kleurryke notas, om bepaalde herinneringe in fotoplakwerk vas te vang, vir skryfwerk of om spesiale boodskappe vir geliefdes te bewaar.
- Plak dit: Blikkie-album
- R 15.00
×
Plak dit: Bottels vir hondehappies
Honde is die mens se beste vriend en vir party is hulle soos kinders, byvoorbeeld my buurvrou met haar hondekroos. Ek wou vir haar ’n spesiale geskenk maak om dankie te sê omdat sy so ’n goeie vriendin en vertroueling is en het geweet dat enigiets vir haar honde ook háár hart bly sou maak. Ek het leë koffieflesse (Douwe Egberts – die koffie is net so lekker!) versier, hulle vol snoeperye gemaak en foto’s van haar geliefde worshonde bygevoeg.
×
Plak dit: Dankbaarheids-mini-album
Dit is baie belangrik om daagliks, maandeliks en jaarliks ’n opname te maak van die dinge waarvoor ons dankbaar is. Hierdie album het ontstaan uit my oorweldigende gevoel van dankbaarheid toe ek nagedink het oor die afgelope jaar en besef het hoeveel spesiale mense oor my pad gekom het. Ek het vyf mense gekies aan wie ek die meeste dank verskuldig is en ’n joernaal oor hulle geskryf.
×
Plak dit: Drukkerskinkbord met voorletter
Drukkerskinkborde is baie veelsydig. Toe ek my nuwe ateljee versier het, het ek besluit om nog een te maak met die letter J as fokuspunt. Hoewel J my voorletter is, staan dit hier vir journey met verwysing na my eie reis en die belangrike rol wat my huis en ateljee daarin speel.
×
Plak dit: Drukkerskinkbord vir ‘n tuiste
’n Drukkerskinkbord is ’n maklik bekombare houtproduk. Jy sal onafgewerkte weergawes by enige goeie handwerk- of verfwinkel kry. Met hierdie drukkerskinkbord vertel ek wat ’n huis in ’n tuiste verander. Jy kan enige tema op ’n soortgelyke manier uitbeeld deur jou kleure, papierkeuse en versierings daarby aan te pas.
×
Plak dit: Familieknyperbord
Knyperborde is veelsydig en kan op baie maniere help om jou lewe te orden. As hulle egter versier word en papier en kleur bygevoeg word, word hulle skatte wat leë plekke op jou mure kan vul. Ek het ’n witgeverfde knyperbord in landskapformaat gebruik.
- Plak dit: Familieknyperbord
- R 15.00
×
Plak dit: Foto in ’n skinkbord
’n Duifgrys skinkbord was die inspirasie vir hierdie nostalgiese vertoonstuk wat jy teen ’n muur kan hang of op ’n toonbank kan plaas. Die geskulpte dun karton beklemtoon die sagte, vroulike voorkoms en glinstersproei op die skryfwerk gee ekstra betowering. Die middelpunt bly steeds die pragtige foto.
×
Plak dit: Fotoboksie
’n Fotoboksie is ’n wonderlike verrassingsgeskenk. Wanneer die deksel afgehaal word en die lae foto’s oopvou, ontlok dit altyd ’n uitroep van verrassing. Maak ’n klompie vir jouself of verras vriende en familielede met hul eie herinneringsboksies. Jy hoef dit nie net vol foto’s te maak nie – jy kan ook versierings of net bedrukte papier waarvan jy hou na maat sny en dit byvoeg.
- Plak dit: Fotoboksie
- R 15.00
×
Plak dit: Fotohalssnoer
’n Fotohalssnoer is ’n wonderlike manier om jou gesin of geliefdes heeldag naby jou hart te hou. Dit sal baie aandag trek en gou ’n mode vestig. Dit is ’n vinnige, maklike geskenk wat altyd waardeer sal word. Maak ook ’n paar in verskillende kleurskemas vir jouself; ek het klassieke swart en wit gebruik. My ketting is lank genoeg om oor my kop te pas, maar gebruik ’n vasmaker as jy dit korter wil hê.
- Plak dit: Fotohalssnoer
- R 15.00
×
Plak dit: Fotokoffiebeker
Hierdie beker was een van my man se heel beste geskenke. Ek het dit vir hom gemaak as deel van ’n reeks verjaardag geskenke en hy gebruik dit nog elke dag. Jy kan dit vir jou ma, pa, man, vriende, kinders of enigiemand wat gereeld reis of skool toe gaan, gee. Die ontvanger sal elke dag aan jou herinner word en jou pragtige handwerk waardeer. Hierdie bekers is geredelik te kry by huiswarewinkels.
- Plak dit: Fotokoffiebeker
- R 15.00
×
Plak dit: Gebottelde herinneringe
Die nostalgiese voorkoms, verweerd, bruinerig en rustiek, was ideaal vir hierdie glasfles vol herinneringe aan my ouma. Dit is die ideale projek om ou swart-en-wit foto’s van lank gelede te gebruik. Voeg jou eie spesiale aandenkings by nadat jy die gedrukte bladsye in die bottel gesit het. As jy dit nie oor jou hart kan kry om bladsye selfs uit ’n weggooiboek te skeur nie, kan jy bedrukte papier met ’n drukwerkpatroon gebruik.
×
Plak dit: Geraamde broederliefde
Hierdie foto van my en my jongste broer was nog altyd vir my baie kosbaar. Om dit meer besonders te maak, het ek dit in die raam versier en voorsien van ’n bypassende raam wat liefde en toegeneentheid simboliseer. Hierdie pragtige rame is beskikbaar by verskeie huiswarewinkels.
×
Plak dit: Geraamde juweliersware
Rame is wonderlik en baie veelsydig – hulle kan natuurlik foto’s bevat of jy kan hulle op talle ander maniere hergebruik. Hierdie projek wys hoe jy ’n raam met ’n antieke voorkoms in ’n unieke houer vir juweliersware kan omskep om die raam sowel as jou gunsteling kostuumjuwele te vertoon.
×
Plak dit: Halssnoer met gerolde blomme
Die kraaghalssnoer is een van die nuutste handwerkneigings en daarom het ek hierdie projek met groot entoesiasme aangepak. Ek was hoogs tevrede met die resultaat en kry altyd komplimente wanneer ek dit dra. Ek weet nie meer hoeveel ek al vir vriendinne gemaak het nie. Die beste van alles is dat jy niks van naaldwerk hoef te weet nie, al werk jy met lap! Hierdie blomme kan ook gebruik word as versierings vir ander projekte.
×
Plak dit: Hartjiekussingwimpel
Ek ondervind ’n opwelling van skeppende energie wanneer ek voorwerpe sien met ruitjies en strepe – vandaar hierdie skattige hartjiekussingwimpel. Dit is ’n lieflike geskenk en sal ’n kosbare aandenking wees.
×
Plak dit: Herinneringhanger
Draadhangers het baie gebruike afgesien daarvan om jou klere van die droogskoonmakers af huis toe te bring. Toe ek hierdie mooi hartjiehanger sien, het ek besluit om dit te gebruik vir liefdesherinneringe. Met ander kleure en bykomstighede kan jy dit maklik in ’n bewertjie vir ’n baba of versiering vir ’n seun of meisie se kamer verander.
- Plak dit: Herinneringhanger
- R 15.00
×
Plak dit: Herinneringsak
Elke vrou het ’n sak nodig, hetsy dit ’n handsak, strandsak of bloot ’n houer vir tydskrifte is. ’n Skouersak met deursigtige sakkies langs die kante kan ’n blik op jou wêreld bied as jy dit versier met fotoplakwerktegnieke in ’n treffende kombinasie van papier, foto’s en versierings. En as jy ’n nuwe voorkoms wil hê, kan jy hulle net vervang.
- Plak dit: Herinneringsak
- R 15.00
×
Plak dit: Houttolfotohouers
Ek is versot op linte, veral as dit netjies verpak, opgestapel of gedraai is. Ek hou van die tekstuur en die vele gebruiksmoontlikhede. Hierdie projek het ontstaan uit my liefde vir linte. Toe ek die houttolle op die internet sien, kon ek hulle net nie weerstaan nie! Hulle lyk treffend as buitengewone fotohouers wat in ’n kits gemaak word. Vervang net die lint as jy ’n nuwe voorkoms wil hê.
- Plak dit: Houttolfotohouers
- R 15.00
×
Plak dit: Kennisgewingbord
’n Kennisgewingbord vir ’n lessenaar is ’n gawe geskenk of geleentheid vir fotoplakwerk en sal enigeen se lessenaar en dag ophelder. Dit sal dwarsdeur die jaar gebruik word en mense herinner aan hul geliefdes en waarom hulle so hard werk. Versier dit so veel of so min as wat jy verkies en sorg vir volop ruimte vir notas, onthouplakkers, foto’s, ensovoorts. Dit kan ook teen ’n muur opgehang word.
- Plak dit: Kennisgewingbord
- R 15.00
